Escontra la Llínia

Domingu, Payares y 25.

Ayeri, una masiva manifestación percorrióu las cais de Llión baixo'l glayíu: Non a la Llínea Sama-Velilla. Ye una asoluta aberración que va suponer dafeichu la fin de gran parte de la montaña llionesa, lu que ye, posiblemente, el miyor dos nuesos patrimonios. Cumu cuasi tolos dias podemos lleere nas páxinas de la prensa llionesa, somos nosoutros lus que tenemos que sufrire las infrastruturas de dúas rexones que nun son la nuesa. Nin que dicire tién que tamaña aberración cuenta cul sofitu del nuesu "querido" presidente de la "Arrejunta" de Castiella escontra Llión. Peru, una vuelta más, los llioneses y dalgunos asturianos amuesan que tién arrancadeiras pa defendese.
Respeuto'l futuru, nun sei que pué pasare. Seguramente farán la llínea, cumu farán san gloriu... Nun sou otimista, peru lu que tá nidiu ye que segiremos lluchando.

Bienvenida

Sábadu, Payares y 24.

Ñaz cun esti blog una amuesa del xeitu d'albidrare de miles de llïoneses, independientemente de la sua ideoloxia. Darréu tolos alderiques, atopámosnos cuna mesma cuestión: la esistencia nun reconocida d'una Rexón Llïonesa esqueizada pula hestoria, peru nun pulos propios llïoneses que entavía lluchan pul sou futuru ya'l de los sous fiyos. Estu nun face más que entamare cul finxu d'algamare l'axebra que dende'l restu'l pais niégannos.



Entamamos eiquí, entós, esta llucha pacífica, la nuesa.